Search

Neste traballo intentaremos xustificar a posibilidade dunha interpretación relixiosa da produción kierkegaardiana, que sexa á vez compatible co dominio da ironía sobre a produción. Para isto será necesario mostrar que a ironía e a comunicación indirecta poderían funcionar precisamente como medios para a edificación relixiosa, especificando unha comprensión acerca do significado da negatividade infinita da ironía. Un estudo das críticas de Kierkegaard ó misticismo, ou máis particularmente, á idea de que sería posible unha relación inmediata entre o individuo e Deus, servirá para aclarar, mediante o contraste, a especificidade da propia concepción kierkegaardiana acerca da relación entre o individuo, Deus e o próximo, tamén co propósito de considerar ata que punto resultaría posible falar dunha mística especificamente kierkegaardiana. Mostraremos como o pensamento de Kierkegaard se configurou, en parte, non só por contraposición ó misticismo, senón tamén a partir da apropiación dalgunhas expresións tomadas da literatura mística. Por último intentaremos concretar como podería levarse a cabo o que nós denominaremos como unha mística kierkegaardiana, a partir de varios exemplos tomados dos propios textos de Kierkegaard.

O obxectivo da presente tese de doutoramento é construír un relato historiográfico e interpretativo da arquitectura galega entre 1970 e 2000 arredor dunha idea fundamental: a autorreflexión e as olladas vernáculas que articulan as propostas arquitectónicas analizadas. Non en van, estas liñas tendentes á introspección están profundamente estendidas tanto no debate interno como na crítica recibida externamente e son, polo tanto, homologábeis ás tendencias teóricas e críticas internacionais desta época histórica. Desta maneira, a articulación tripartita pretende estabelecer un contexto teórico, un compendio historiográfico e mais unha aplicación práctica e analítica de ambas as dúas cuestións arredor da produción arquitectónica destas décadas. Desde o punto de vista teórico, a liña preferente será o rexionalismo crítico, entendida non só como unha ferramenta de interese analítica e metodolóxica, senón como unha referencia historiográfica para comprender a viraxe rexional da arquitectura após a crise da modernidade. No percorrido historiográfico galego, revisaranse algúns dos principais fitos históricos que tradicionalmente se teñen visto como fundacionais deste período, taxando a súa relevancia e expandíndoos con outros feitos e unha atención á intrahistoria da arquitectura galega. A análise da arquitectura producida artellarase arredor de temáticas como o debate sobre a galeguidade da arquitectura, os diálogos coa cidade histórica e o patrimonio, as reflexións arredor do territorio e a paisaxe, a forma e a imaxe como dispositivos de transmisión de certa idea do país e da súa memoria vernácula, así como o uso de materiais e técnicas máis vinculadas á tradición. Ao longo da tese, en definitiva, poderán advertirse certas dialécticas entre modernidade e tradición ou entre as linguaxes máis contidas e as máis tendentes á espectacularización, binomios que canalizan estas viraxes rexionais da arquitectura galega contemporánea. 2024-04-21

Traballo Fin de Grao en Medicina. Curso 2021-2022 A principal causa de morte nos pacientes con diabetes mellitus tipo 1 (DM1) é a enfermidade cardiovascular (ECV). A diferenza da diabetes mellitus tipo 2 (DM2), na que o aumento do risco cardiovascular pode explicarse pola asociación da enfermidade con factores de risco cardiovascular (FRCV) clasicamente ligados á ECV, os FRCV tradicionais non bastan para explicar a elevada prevalencia de eventos cardiovasculares que presentan as persoas con DM1. Isto implica que a DM1 produce un aumento do risco cardiovascular mediante FRCV específicos da enfermidade. No presente estudo analizamos a prevalencia de ECV e os distintos FRCV nunha poboación de 1252 pacientes con DM1 na nosa área sanitaria. Os nosos doentes con DM1 amosaron unhas cifras de prevalencia similares ás dispoñibles na literatura científica, o que confirma o seu alto risco cardiovascular. Os FRCV dos nosos pacientes con DM1 están sendo abordados terapeuticamente de maneira insuficiente e tardía, fronte á abordaxe precoz que recomendan as actuais guías de práctica clínica no seno da DM1 La principal causa de muerte en los pacientes con diabetes mellitus tipo 1 (DM1) es la enfermedad cardiovascular (ECV). Los pacientes con DM1 presentan una mayor prevalencia de ECV que la población general. A diferencia de la diabetes mellitus tipo 2 (DM2), en la que el aumento del riesgo cardiovascular puede explicarse por la asociación de la enfermedad con factores de riesgo cardiovascular (FRCV) clásicamente ligados a la ECV, los FRCV tradicionales no bastan para explicar la elevada prevalencia de eventos cardiovasculares que presentan las personas con DM1. Esto implica que la DM1 produce un aumento del riesgo cardiovascular mediante FRCV específicos de la enfermedad. En el presente estudio hemos analizado la prevalencia de ECV y los distintos FRCV en una población de 1252 pacientes con DM1 de nuestra área sanitaria. Nuestros pacientes con DM1 han mostrado unas cifras de prevalencia similares a las disponibles en la literatura científica, lo que confirma su alto riesgo cardiovascular. Los FRCV de nuestros pacientes con DM1 están siendo abordados terapéuticamente de manera insuficiente y tardía, frente al abordaje precoz que recomiendan las actuales guías de práctica clínica en el seno de la DM1 The main cause of death on patients with type 1 diabetes mellitus (T1DM) is cardiovascular disease (CVD). Unlike type 2 diabetes mellitus (T2DM), in which the increased cardiovascular risk can be explained by the association of the illness with cardiovascular risk factors (CVRF) classically linked to CVD, traditional CVRF are not sufficient to explain the high prevalence of cardiovascular events in people with T1DM. This implies that T1DM produces an increased cardiovascular risk through specific CVRF. In the present study, we have analyzed the prevalence of CVD and the different CVRF in a population of 1252 patients with T1DM from our health area. Our patients with T1DM have shown prevalence figures similar to those avaliable in the scientific literature, confirming their high cardiovascular risk. The CVRF of our patients with T1DM are being therapeutically approached insufficiently and late, compared to the early approach recommended by the current clinical practice guidelines about the T1DM

A presente guía indica os pasos a seguir polo persoal da Biblioteca Universitaria no depósito dos traballos fin de grao e máster (TFG/TFM) en Minerva

Traballo Fin de Grao en Matemáticas. Curso 2020-2021 [GL] O obxectivo principal deste traballo será estudar o procedemento para atopar solucións dunha ecuación diferencial coñecido como método das sub e sobresolucións. Este método céntrase principalmente na obtención do que chamaremos sub e sobresolucións do problema para despois, grazas a diferentes resultados que presentaremos ao longo do traballo, poder afirmar que o problema orixinal posúe unha solución entre estas dúas funcións. Primeiramente sentaremos as bases do método para despois xeneralizar as hipóteses utilizadas, por exemplo relaxando a suposición de continuidade. Enunciaremos tamén importantes propiedades que cumpren as solucións obtidas por este método. Finalmente botaremos un vistazo a outras formas de formular o problema, cambiando condicións de fronteira ou engadindo dependencia na derivada. [EN] The main goal of this work is to study the process of obtaining solutions of a differential equation known as the method of lower and upper solutions. This method is based on the idea of obtaining what is known as lower and upper solutions of the problem to then, thanks to the various results displayed along these pages, be able to ensure the existence of a solution for the original problem between these two functions. Firstly we will establish the foundations of the method and then we will generalize the hypotheses used, for example relaxing the assumption of continuity. We will also set forth relevant properties that the obtained solutions will satisfy. Finally we will look into other ways of formulating our problem, changing some boundary value conditions or including dependency on the derivative.

Os principais obxectivos deste informe son: 1. Presentar os resultados das actividades de formación en competencias en información realizadas pola Biblioteca de Medicina e Odontoloxía e pola Biblioteca de Enfermaría no curso académico 2010-2021. 2. Poñer en valor a función formadora da biblioteca e mostrar a súa capacidade de formación en competencias en información. Este informe enmárcase dentro das funcións da Dirección da Biblioteca dos centros de responsabilizarse da execución da política bibliotecaria no centro, achegar os informes que sexan necesarios e avaliar e difundir as actividades realizadas pola biblioteca. A metodoloxía de realización do informe é descritiva

Recollemos nesta colección sete dos oito traballos premiados no que foi a terceira edición do Premio UDC Sustentabilidade a Traballos de Fin de Grao e Mestrado, correspondente ao ano 2020. A resolución desta convocatoria fíxose pública o 5 de xuño de 2021, Día Mundial do Medio Ambiente, e con ela a UDC celebrou a efeméride aínda no marco das restricións derivadas da alarma sanitaria da covid. A convocatoria destes premios xurdiu dunha proposta recibida desde a Facultade de Ciencias da Educación no marco do programa internacional Green Campus, e que finalmente a Oficina de Medio Ambiente materializou. Con ela búscase avanzar na sustentabilidade curricular, fortalecer a vinculación co currículo do traballo en sustentabilidade nos centros da UDC e promover a sensibilización e participación activa do estudantado. Esta terceira edición dos premios dirixiuse a traballos realizados no ano 2020. Presentouse un total de 29 traballos, 19 de grao e 10 de mestrado, de 11 centros diferentes e de catro das cinco grandes áreas de coñecemento (a ausente foi, neste caso, Arte e Humanidades). Cómpre salientarmos que, dado o carácter transversal da sustentabilidade, como xa pon de manifesto o programa Green Campus ao falar de «vinculación ao currículo», todas as áreas de coñecemento están chamadas a participar e son igualmente candidatas a estes premios. Seguindo os criterios da convocatoria, a comisión avaliadora valorou a calidade da memoria publicable, a relación coa temática da sustentabilidade e a orixinalidade dos traballos, así como a súa achega aos obxectivos de desenvolvemento sustentable (ODS) da ONU e ao compromiso social da UDC, alén da aplicabilidade dos estudos e as investigacións aos propios campus e centros da UDC. Desexamos que esta iniciativa contribúa a manter e mellorar o pulo pola sustentabilidade na UDC.

Este capítulo resume a evolución da economía de Galicia dende unha perspectiva microeconómica, incluíndo unha análise dos principais datos que permiten describir de xeito estático e dinámico o tecido produtivo e empresarial da comunidade galega. Inclúese tamén unha revisión das principais políticas públicas deseñadas polas diferentes Administracións dirixidas a favorecer o desenvolvemento deste tecido. O capítulo consta de tres partes. A primeira describe a estrutura empresarial, destacando á súa evolución recente a través dos principais datos das empresas (tamaño, distribución, sector de actividade ou persoas empregadas) e a súa estrutura societaria. Esta análise permite obter unha visión simplificada da xeografía empresarial galega, que será obxecto de comparación con outros ámbitos autonómicos ou estatais. Para esta parte utilízanse datos obtidos do Directorio Central de Empresas (DIRCE) do Instituto Nacional de Estatística (INE); os fornecidos nas bases do Instituto Galego de Estatística (IGE), e os incluídos no Rexistro Mercantil. A segunda parte realiza unha análise sectorial a través da enquisas estruturais do INE, revisando os tres sectores principais de actividade económica (industrial, comercial e de servizos). De xeito similar ao apartado anterior, realízase unha comparación da evolución dos datos na comunidade galega co acaecido no resto do Estado, o que permite estimar a súa evolución relativa. A parte final do capítulo revisa os indicadores principais das enquisas de investigación científica e desenvolvemento tecnolóxico (I+D), de innovación tecnolóxica e alta tecnoloxía.

Introdución: Os sistemas de protección social posibilitan a cobertura ante continxencias como a inestabilidade no emprego, a enfermidade, a incapacidade ou morte (viuvez e orfandade). Nos Estados modernos, ademais, son un importante instrumento económico e social que permite a redistribución das rendas. En España temos, dunha parte, as pensións e prestacións do sistema de Seguridade Social, que conforman a vertente contributiva do sistema. Doutra, a denominada cobertura asistencial, configurada polas pensións non contributivas da Seguridade Social, a renda de integración social (RISGA), as prestacións derivadas da Lei de integración social dos discapacitados (LISMI) e aquelas establecidas na Lei da dependencia. Así mesmo, en 2020 dáse un paso importante neste eido coa aprobación e aplicación dun ingreso mínimo vital a nivel nacional. En materia de pensións houbo cambios substanciais nos últimos anos. O máis importante foi o aprobado coa Lei 27/2011, do 1 de agosto, sobre actualización, adecuación e modernización do sistema de Seguridade Social. Esta normativa foi modificada polo Real decreto lei 5/2013, do 15 de marzo, de medidas para favorecer a continuidade da vida laboral das persoas traballadoras de maior idade e promover o envellecemento activo. Dende aquela, estase a incrementar de xeito progresivo a idade de xubilación dende os 65 anos ata os 67 en 2027. O período de cómputo para a pensión pasa dos 15 aos 25 anos en 2022, aínda que se mantén 15 anos como mínimo de anos cotizados para ter dereito a unha pensión contributiva. Ademais, abandónase a actualización automática das pensións, optando por un sistema que considera a actualización en función dos ingresos e gastos do sistema, o denominado factor de revalorización anual.

Traballo Fin de Grao en Educación Social. Curso 2018-2019 Este estudo recolle os resultados derivados dunha investigación de campo, cuxo propósito consiste en coñecer, así como analizar as percepcións e actitudes das familias autóctonas que frecuentan o Centro Cívico de Conxo, en relación á integración da poboación inmigrante, dende a perspectiva da educación intercultural. Na actualidade, o fenómeno migratorio medra exponencialmente, así como as súas implicacións. É por iso, que dende a educación xorde a necesidade perentoria de analizar dende a perspectiva actitudinal, relacional, e interaccional; a realidade social en pequenos contextos comunitarios, onde existe unha situación de multiculturalidade ou convivencia de diferentes poboacións e culturas. Nesta liña e tras realizar unha contextualización teórica, empregouse como estratexia metodolóxica o estudo de caso, combinado coa investigación descritiva tipo enquisa, a través dun cuestionario elaborado ad hoc. No eido cualitativo, e co obxecto de complementar a investigación, empregouse a técnica de observación, mediante un sistema de rexistro categorial, neste caso unha lista de control. Finalmente, incluíronse as conclusións e discusión de resultados obtidos, ademais dun apartado con posibles liñas de actuación e propostas de intervención socioeducativa en clave de desenvolvemento comunitario dende a perspectiva da educación intercultural Este estudio recoge los resultados derivados de una investigación de campo, cuyo propósito es conocer, así como analizar las percepciones y actitudes de las familias autóctonas que frecuentan el Centro Cívico del barrio de Conxo, en relación a la integración de la población inmigrante, desde la perspectiva de la educación intercultural. Actualmente, el fenómeno migratorio crece exponencialmente, así como sus implicaciones. Por eso, desde la educación, surge la necesidad perentoria de analizar desde la perspectiva actitudinal, relacional e interaccional; la realidad social en contextos de pequeñas comunidades, donde existe una situación de multiculturalidad o convivencia de diferentes poblaciones y culturas. En esta línea y después de realizar una contextualización teórica, se utilizó como estrategia metodológica el estudio de caso, combinado con la investigación descriptiva de tipo de encuesta, a través de un cuestionario elaborado ad hoc. En el campo cualitativo, y para complementar la investigación, se utilizó la técnica de observación, a través de un sistema de registro categórico, en este caso una lista de control. Finalmente, se incluyen las conclusiones sobre los resultados obtenidos, así como un apartado con posibles líneas de actuación y propuestas de intervención socioeducativa en clave de desarrollo comunitario, desde la perspectiva de educación intercultural This study collects the results derived from a field research, whose purpose is to know about, as well as analyze the perceptions and attitudes of native families that frequent the Civic Center of the Conxo neighbourhood, in relation to the integration of inmmigrant population, from an intercultural education perspective. Currently, migratory phenomenon has grown exponentially, as well as its implications. Therefore, from education, arises the peremptory need of analyze from the attitudinal, relational, and interactional perspective; a social reality that occurs in small community contexts, where there is a situation of multiculturality or coexistence of different poblations and cultures. In this line, and after the performance of a theoretical contextualization, the case study was used as a methodological strategy, combined with descriptive research of survey kind, by means of a questionnaire designed ad hoc. In the qualitative field, and to complement research, observation technique was used, by means of a categorical list, in this case a checklist. Finally, conclusions about the results obtained were included, as well as a section with possible lines of action and socio-educational intervention proposals in the key of community development from the intercultural education perspective

Nesta comunicación descríbese como se incorpora o tópico da biodiversidade a través dos tres últimos currículos no bacharelato en Galicia. Faise un especial fincapé na materias pertencentes o seminario de bioloxía e xeoloxía no decreto curricular vixente 86/2015. Al proyecto EDU2015-66643-C2-2-P financiado por el Ministerio de Economía y Competiti- vidad. SI

Traballo Fin de Grao en Economía Á hora de explicar o crecemento económico asume unha grande importancia o papel das institucións. Institucións como poden ser a propiedade privada ou o imperio da lei afectan aos incentivos que confrontan os axentes económicos, determinan o seu comportamento e, consecuentemente, os resultados económicos tais como a eficiencia, a acumulación e a innovación. Polo tanto, as institucións teñen un efecto significativo sobre o crecemento económico (North, 1990). O obxectivo do presente traballo é analizar a relevancia da liberdade económica - como medida de calidade institucional dun país - para explicar o crecemento económico. Para iso, estímase unha regresión de converxencia para o periodo 1990-2014 e unha mostra de 108 países, na que se incorpora como variábel explicativa un índice de liberdade económica elaborado polo Fraser Institute do Canadá (Economic Freedom of the World index). O índice de liberdade económica asigna unha puntuación global (entre 0 e 10) sobre o nivel de liberdade económica de cada país, a partires dunha análise dun total de 42 variábeis diferentes. A puntuación varía segundo sexa, o país, máis favorábel a políticas respectuosas coa liberdade económica (puntuación alta) ou, pola contra, máis partidario do proteccionismo (baixa). Este índice, á súa vez, divídese en 5 compoñentes que son: tamaño do goberno; estrutura legal e seguridade dos dereitos de propiedade; dispoñibilidade e estabilidade monetaria; liberdade comercial; e regulación de crédito, traballo e negocios. Analizando os resultados da regresión de converxencia, a liberdade económica é significativa para explicar a taxa de crecemento do PIB por traballador. Non resultan significativos os subíndices dos que se compón o índice de liberdade económica, analizados individualmente. Xa que logo, saliéntase que o importante é o nivel de liberdade económica no seu conxunto e non algunha das compoñentes concretas que conforman o índice. Tamén, analízase a importancia dalgunhas variábeis políticas sobre o crecemento económico – como a calidade dos servizos públicos e efectividade das políticas públicas, control da corrupción... – pero, como se observa no traballo, está menos claro que engadindo estas variábeis mellore a capacidade explicativa do modelo. Ademáis de estudar diversa literatura ao respecto, cuxas fontes bibliográficas poden ser consultadas no epílogo do traballo, a ferramenta utilizada para levar a cabo a análise empírica dos datos foi o programa econométrico E-Views. Tamén se teñen utilizado para a realización do traballo outro tipo de software coma Excel ou Word

Nesta comunicación descríbese unha actividade denominada “triángulos de sustentabilidade” desenvolvida con estudantes de 1º de bacharelato no IES Ponte Caldelas (Pontevedra). Esta actividade consistía en re exionar a partir dunha presentación con dezaseis fotografías relacionadas cos diferentes usos do monte. Posteriormente o alumnado, dividido en seis grupos de entre catro e cinco persoas, tiña que pegar unha copia das fotografías nun triángulo de sustentabilidade en función do ángulo ao que consideraban que se aproximaba máis: económico, social-cultural ou ecolóxico. Durante a comunicación tamén se describirán os resultados da mesma SI

[Resumen] El presente artículo realiza un estudio de investigación-acción en dos áreas de Educación Primaria: Educación Física e Inglés. El objetivo principal es comparar los índices satisfacción de los estudiantes que son instruidos en estas áreas con un enfoque constructivista frente a los que son instruidos con un enfoque tradicional durante el curso académico 2015-2016. La clase de 6º A es el grupo de control (enfoque tradicional) y la clase de 6º B es el grupo experimental (enfoque constructivista). Por una parte, el enfoque constructivista en 6ºB, se fundamenta en la enseñanza del Inglés con metodología AICLE (aprendizaje integrado de contenido y lengua); en Educación Física bilingüe el enfoque se basa en AICLE, los juegos y los deportes modificados. Por otra parte, el enfoque tradicional en 6ºA, se fundamenta en la enseñanza del inglés a través del método gramática-traducción; en Educación Física no bilingüe las tareas son más analíticas que globales y con poca interacción social. El estudio diseña dos hipótesis. La primera indica que los estudiantes que son instruidos con metodología innovadora tienen mayor índice de satisfacción que los que utilizan una metodología tradicional en relación a las asignaturas estudiadas. La segunda hipótesis expone que el trato del error de manera adecuada aumenta la percepción de satisfacción de los estudiantes. [Abstract] This article presents an action research study in two subjects of Primary Education: Physical Education and English. The main objective aims at comparing student´s satisfaction index between constructivist approach and traditional approach in the academic year 2015-2016. The 6th A class is control group (traditional approach) and the 6th B class is experimental group (constructivist approach). On the one hand, in second language teaching, constructivist approach is based on content and language integrated learning (CLIL); bilingual Physical Education is based on CLIL, games and modified sports. On the other hand, traditional approach is based on grammatical-translation methods; in non-bilingual Physical Education, tasks are more analytical than global. Two hypotheses are designed. The first hypothesis states that students´ satisfaction is greater with innovative methodology than traditional. The second hypothesis states that error handling in an appropriate manner increases student´s satisfaction.

Os anos sesenta constitúen o escenario temporal no que a crise ambiental emerxe como incipiente ameaza para o modelo de civilización dominante. Neste contexto, os movementos sociais –nomeadamente o movemento ecoloxista– e a Educación Ambiental teñen xogado un papel determinante, tanto na divulgación da propia crise, como na articulación de alternativas teórico-prácticas para enfrontala individual e colectivamente. O comezo do século XXI arroxa un alude de acontecementos que acaban por facer agromar unha incipiente fornada de novísimos movementos socias. O movemento en transición –cara a un mundo sen petróleo– é un deles, conformando un modelo de actuación competente na xeración de comunidades resilientes; isto é, capaces de reaccionar e adaptarse cos seus propios medios a condicións adversas. Porén, o carácter arquetípico da transición contrasta coa pouca atención que recibe a dimensión educativa na súa proposta e a manifesta nula vinculación co campo da Educación Ambiental. Co obxectivo de valorar o potencial do modelo da transición, desenvolveuse un estudo de caso múltiple no que comparar as iniciativas postas en marcha nas Universidades de Santiago de Compostela, Edimburgo e Minho. Deste xeito, a investigación articulouse ao redor dos elementos que caracterizaran estas experiencias pioneiras como procesos de transición, procesos participativos e procesos educativos. Como resultado da análise, o que fraguou como sospeita deu lugar á evidencia: os procesos de ambientalización universitarios están sometidos a un “teito de cristal” que impide cambios estruturais en clave de sustentabilidade. As tres iniciativas en transición estudadas non foron quen de xerar cambios integrais nas dinámicas das súas respectivas Universidades. A debilidade na formulación do modelo educativo do movemento en transición, non consta como un elemento determinante no fracaso relativo, mais si pode ser un factor a ter en conta. Neste proceso de desexar maiores acertos, a Educación Ambiental debe facer valer a súa traxectoria.

Coa presentación deste volume, damos comezo a unha nova colección monográfica con vocación de continuidade que, baixo o título de philtáte, dará cabida no futuro á publicación de estudos inéditos sobre a antiga Callaecia e a propia Lucus Augusti. Tal e como os responsables do coloquio e editores científicos destas actas explican no prólogo, escolleron este título por ser o nome dunha escrava turinesa asentada na cidade lucense e cuxa inscrición funeraria, da que intencionadamente foron borradas algunhas liñas, se conserva no Museo Provincial de Lugo. Entenden os promotores da colección que o nome simboliza os obxectivos que se queren acadar con esta iniciativa: a apertura da cidade ao mundo e a mellora no coñecemento dun período de incomparable importancia para o asentamento e formación da cidade de Lugo, do territorio que hoxe é a súa provincia e da Galicia que hoxe coñecemos; un traballo que obriga a unha reinterpretación constante dos datos e un enorme esforzo de investigación e divulgación Este volume foi realizado dentro do Proxecto de Excelencia de I+D+i do Ministerio de Economía e Competitividade «As fundacións urbanas de Callaecia e a creación dun novo espazo administrativo» (HAR 2014-51821-P)

A presente guía indica os pasos a seguir polo persoal da Universidade no depósito da normativa da Universidade de Santiago de Compostela (USC)

Sesión organizada polo BioGroup e a BUSC sobre os conceptos básicos e a historia do Open Access, as distintas vías do acceso aberto e as políticas editoriais en relación ao copyright e autoarquivo

A presente guía explica os pasos a seguir para presentar a solicitude de avaliación da actividade investigadora á "Comisión Nacional Evaluadora de la Actividad Investigadora" (CNEAI)

A presente guía indica os pasos a seguir polo persoal da Biblioteca Universitaria no depósito dos traballos fin de grao e máster (TFG/TFM) en Minerva

Comisión de Normalización Lingüística da Facultade de Dereito da USC Servizo de Normalización Lingüística da USC Secretaría Xeral de Política Lingüística da Xunta de Galicia

O principal impulsor dos performance studies, Richard Schechner, inclúe dentro deste paradigma non so todo tipo de espectáculos, artísticos, deportivos ou taurinos, senón tamén ritos sagrados e profanos, fenómenos da vida cotiá como a actividade pública dun médico ou dun vendedor, ou actos terroristas como o ataque ás Torres Xemelgas. A performatividade abrangue por tanto á representación e á presentación. Unha cuestión que se deriva do modelo dos performance studies son as fronteiras borrosas entre os fenómenos espectaculares, que suscitan a crítica de que resulta imposible delimitar uns espectáculos de outros, de que, en definitiva, este modelo non é sólido. Unha crítica, polo demais, común a calquera teoría posmoderna. Efectivamente, este modelo non é sólido. É líquido, non conserva a súa forma, non persiste no tempo, senón que se transforma, contamina e hibrida constantemente, flúe, e tenta reflectir a realidade actual e empírica da espectacularidade, na que cada vez é máis difícil e irrelevante establecer compartimentos estancos. Ao tempo que analizamos o sistema das familias das artes do espectáculo abrollan as súas contradicións: a dificultade de enmarcar os espectáculos contemporáneos nestas categorías e a mobilidade nas fronteiras do artístico, que traen como consecuencia a imposibilidade de abranguer un enorme número de fenómenos da espectacularidade que quedan nun enorme limbo heteroxéneo. Este limbo denuncia a escasa validez da clasificación, xa que na práctica desbota a maior parte da creación contemporánea. Por iso cómpre unha achega á teoría do espectáculo desde os performance studies, na que, partindo do coñecemento dunha realidade local e periférica como é Galicia, desenvolvemos a hipótese do espectáculo como fenómeno glocal, ou sexa, no que resulta importante a valoración do local en permanente interacción co global. O obxectivo deste proxecto de investigación interdisciplinar é establecer seis criterios de clasificación, que son ausencia/presenza, artístico/non artístico, transcendente/inmanente, realidade/ficción, técnica e modo, e que se complementan con outras variables como son as xeográficas, as culturais e as relativas á súa dimensión histórica. Podemos atopar estas variables en calquera dos espectáculos, tanto nas artes do espectáculo como nas que non o son. Tamén nos ritos, na vida cotiá ou na espectacularización. Os seis criterios manexados proporcionan elementos para a formalización dunha teoría do espectáculo na posmodernidade tomándoos como polos entre os que ubicarmos nun continuum os fenómenos performativos.

Data de actualización: setembro 2017 O código ORCID permite identificar de maneira unívoca e ao longo do tempo a produción científica dun autor. Ademáis dunha correcta identificación permite enlazar as actividades de investigación referenciadas en diferentes sistemas de información. Esta guía proporciona unha serie de instrucións para a creación ou modificación do perfil de autor en ORCID e para a inclusión das publicacións de cada investigador.

Nesta comunicación descríbese unha actividade denominada “O Monte Multifuncional” desenvolvida con estudantes de 1º de bacharelato no IES Ponte Caldelas (Pontevedra), así como as principais implicacións didácticas da mesma. Preténdese mostrar a necesidade de traballar a conservación e xestión do territorio a través de actividades adaptadas o contexto local onde se sitúa o centro de ensinanza. Así dáse a oportunidade de aplicar o coñecemento a cuestións que son relevantes para as persoas. SI

Os problemas socio-científicos poden representar un marco axeitado para a alfabetización ambiental. Neste tipo de problemas é onde a ciencia, a tecnoloxía e a sociedade interfiren na toma de decisións. A biodiversidade considérase un clásico dentro dos problemas socio-científicos xa que é un problema que pode ser pertinente tanto no ámbito persoal como social de cada persoa (van Weelie & Walls, 2000) Con este traballo preténdese coñecer en que medida os alumnos melloran o coñecemento dun contido tan complexo como é a biodiversidade no contexto dunha actividade de conservación. Para iso pedíaselles que realizaran un novo plan de ordenación para unha comunidade de montes próxima ao instituto. Presentouse como un problema real e próximo ao alumnado. Esta actividade incluía unha saída para a recollida de datos, ademais de cinco sesións de aula para a análise e a realización do plan de ordenamento SI

Estudouse o recultivo do calo basal e o microenxerto sobre patróns xuvenís para mellorar a micropropagación de material adulto de carballo e castiñeiro. O recultivo do calo basal permite aumentar a produción de microbrotes, con un menor custo unitario, con respecto ó uso exclusivo de explantos ‘convencionais’ (nós e ápices). As veces que pode recultivarse un explanto con calo basal depende do xenotipo e do estado ontoxenético. Cando a micropropagación inclúe o recultivo do calo basal, a taxa de multiplicación estabilízase en torno ó quinto subcultivo. Os calos basais sen xemas axilares nunca produciron microbrotes, o que diminúe o risco de mutación somaclonal. Co obxectivo de incrementar as capacidades morfoxenéticas in vitro do material adulto, realizáronse microenxertos in vivo e in vitro sobre patróns xuvenís. O prendemento dos microenxertos pode considerarse elevado; en carballo prenden mellor os microenxertos in vivo, mentres en castiñeiro o fan os microenxertos in vitro. No clon EPS de Castanea sativa, o microenxerto in vitro e in vivo provocaron un aumento da taxa de multiplicación, que se detecta nos primeiros subcultivos no primeiro caso e tras a fase de estabilización in vitro no segundo. No resto dos clons, o microenxerto non tivo efecto sobre a taxa de multiplicación. O microenxerto en serie non tivo efecto sobre as porcentaxes de enraizamento in vitro. No entanto, o microenxerto en serie in vivo pode ser útil para a obtención masiva de planta enxertada e como alternativa ao forzado de segmentos de rama, para a obtención de explantos.

Normativa aprobada no Consello de Goberno da USC do día 22 de Decembro de 2011

Nos últimos anos os mercados financeiros coñeceron unha autentica revolución provocada pola chamada "enxeñería financeira". Sen embargo, a grande especialización requirida polas finanzas supuxo unha barreira no acceso dos axentes financeiros a moitas destas innovacións. Unha das transformaclóns máis importantes foi o desenvolvemento dos mercados de derivados sobre activos financeiros. Practicamente descoñecidos hai vinte anos, a confluencia dunha serie de circunstancias provocaron a necesidade de utilizar instrumentos derivados. Neste contexto é onde se sitúa o noso estudio, que ten como obxectivo ve-la evolución e as causas do desenvolvemento destes instrumentos e mercados nas últimas décadas. Así, unha vez delimitados os elementos que van ser obxecto da análise, comparámo-los instrumentos ó contado cos instrumentos derivados negociados en mercados organizados, e estes cos instrumentos derivados negociados en mercados OTC, para acabar dando unha visión global de todos eles In recent years the financial markets have come across a real revolution caused by the so-called "financial engineering". Nevertheless, the great specialisation required by finances has meant a barrier for the financial agents to have access to many of those innovations. One of the most important changes has been the development of derivatives markets of financial assets. Almost unknown twenty years ago, the convergence of a series of circumstances has caused the need of utilising derivativa instruments. It is under this context where our study has taken shape and it has as its aim to find out the evolution and the causes of the development of those instruments and markets in the last dacades. In this way, once the efements object of study have been specified, the cash instruments and the derivative instruments negotiated in organised markets are compared and the latter with the derivative instruments negotiated in OTC markets: and the paper ends up by giving a global glance of all of them SI

Neste traballo examinamos as diferentes propostas etimolóxicas suxeridas para o verbo galego devecer/ debecer e presentamos unha nova proposta *DEBILESCERE, un verbo formado a partir do adxectivo DEBILIS. Este *DEBILESCERE explica mellor ca outras teorías as formas e os significados galegos actuais, de acordo con criterios fonéticos, semánticos e morfolóxicos [EN]In this paper we examine various etymological proposals for the Galician verb devecer / debecer, and advance a new proposal deriving it from *DEBILESCERE, a verb formed from the adjective DEBILIS. This hypothesis explains the current Galician forms and meanings better than other theories according to phonetic, semantic and morphological criteria.

Documentación gráfica dos mosteiros e conventos galegos; debuxos, recollida de notas, planos, fotografías,...

[Resumo] O ecoturismo é unha modalidade turística ambientalmente responsable na cal os usuarios gozan en contacto coa natureza e con diversas manifestacións culturais, propiciando un involucramento activo e socio-economicamente benéfico das poboacións locais. Á súa vez, pode constituírse nunha ferramenta fundamental para mellorar a calidade de vida dos seus habitantes, contribuír á conservación da biodiversidade e ao rescate do patrimonio cultural dunha determinada rexión. Neste contexto, trabállase desde o ano 2002 ata a actualidade, na Cunca Carbonífera de Río Turbio (Patagonia Arxentina), utilizando como especie bandeira ao Cóndor Andino, que polo seu valor biolóxico e cultural e interese a nivel mundial considerouse clave para estimular estas actividades na zona, complementándose a outras ofertas turísticas existentes. Os estudos permitiron identificar dormideros e zonas de uso na área de influencia das localidades, cuantificar a súa abundancia e determinar áreas con potencial atractivo turístico. Estes estudos foron acompañados por diversas accións coa comunidade mediante procesos de participación pública, educación ambiental e capacitación de actores locais como Guías de Sitio, coa finalidade de que sexan os protagonistas na xestación desta nova alternativa de desenvolvemento e os beneficiarios directos. [Abstract] Ecotourism is an environmentally responsible modality in which the users enjoy being in contact with nature and with varied cultural expressions, encouraging an active involvement that is socio-economically beneficial for the local population. At the same time, it may become a fundamental tool to improve the inhabitants’ quality of life, contribute to the biodiversity conservation, and rescue the cultural patrimony of a determined region. In this context, work has been being carried out since 2002 in the Cuenca Carbonifera Río Turbio (Argentine Patagonia), using as an emblematic species the Andean Condor, which due to its biologic and cultural value and global-level interest was considered key in stimulating these activities in the area, being a complement to other existing touristic offers. The studies made possible to identify the resting sites and use zones in the area of influence of the towns, quantify its abundance and determine areas with potential tourist attraction. These studies were accompanied by several activities with the community by means of public participation processes, environmental education, and training of the local actors as Site Guides, in order for them to be the protagonists in the creation of this new development alternative and the direct beneficiaries.