Novas tecnoloxías e metodoloxías de monitorización electrónica das capturas totais para flotas clave no sector pesqueiro de Galicia

O desenvolvemento de tecnoloxías e metodoloxías con alto grao de automatización para a recollida masiva e sistemática de datos esenciais e o uso de técnicas de mostraxe non invasivas, son claves para a xestión do ecosistema mariño. A actuación 3.5 (Automatización e integración da recollida de datos de pesqueiras) abordará unha estratexia baseada na aplicación de diversos tipos de tecnoloxías e na súa validación por comparación cos métodos tradicionais, tendo en conta datos de campañas oceanográficas e de buques comerciais. A dixitalización e as solucións tecnolóxicas innovadoras están xurdindo rapidamente para mellorar significativamente o potencial de recollida de datos, a precisión e a verificación da información, o rexistro automático de capturas, os informes e o seguemento, control e cumprimento (MCS), ao mesmo tempo que se reducen os custos. Entre estas solucións inclúense a monitorización electrónica (EM) e a aplicación de tecnoloxías de visión por computador combinadas con intelixencia artificial (IA) para a identificación e cuantificación das capturas totais