Античката патна комуникација Астибо – Шишманово Кале

Во овој научен труд ќе ја презентираме патната комуникација која ги поврзува овие два антички центри од Македонија и Тракија, преку досега откриените антички утврдувања кои воедно и ја штителе оваа патна комуникација. На територијата на Македонија патната комуникација се до Строшен мост (Делчево), поминува по трасата на дијагоналниот пат Хераклеја – Пауталија – Сердика. Од оваа локација, дијаголниот пат, поминува преку Драмче, Киселица и преку преминот кај Црн Камен, продолжува кон Пауталија. Патниот правец кон Шишманово Кале – Самоков се издвојува и преку Делчево, продолжува кон селото Град, од каде преку преминот Град на Осогово се спушта кон Благоевград.