Стресот кај здравствените работници и неговата поврзаност со задоволството кај пациентите

Човечката работа е целисходна и свесно организирана дејност на луѓето, заради постигнување на некој корисен учинок со кој може да се задоволи одреден вид на лични и заеднички потреби. Работата во апстрактна смисла претставува трошење на човечката работна сила: интелектуален напор, мускулен напор, психолошки стрес и времен за да се постигне некоја цел и како таква претставува средство за размена од најраните денови на човештвото. Работното место може да биде важен фактор за унапредување на менталното здравје на работниците, но од друга страна може да биде и извор на стрес кој меже да го поремети менталното здравје и да доведе до појава на ментални болести.