Туристичкото законодавство во Македонија

Целта на овој труд е да даде преглед на туристичкото законодавство во Македонија како дел од мерките и инструментите кои најчесто се преземаат при водењето туристичка политика. Поконкретно, трудот дава осврт на дел од правните прописи со кои се регулира развојот на туризмот и угостителството во Македонија, притоа осврнувајќи се на директната и специфичната регулатива. Заклучено е дека државата, независно дали води активна или пасивна улога, е најзначајниот носител на планирањето на туристичкиот развој, а со тоа и управувач на целокупниот економски раст и развој. Истовремено дадени се препораки за креирање рамнотежен и интегриран пристап помеѓу јавниот и приватниот сектор при спроведувањето туристичка политика во Македонија, особено при имплементирање на туристичкото законодавство.