Примена на методи за повеќекритериумско одлучување при избор на рударска откопна метода за подземна експлоатација

Еден од најважните делови во процесот за отворање на нов рудник или разработување на нов дел во веќе постоечки рудник е избор на рударска откопна метода. При изборот на рударска откопна метода е потребно да се земат во предвид голем број на влијателни параметри, при што во тој случај ќе се добие најсоодветната рударска откопна метода. Примената на методите за повеќекритериумско одлучување се од голема важност за решавање на вакви сложени проблеми, бидејќи овозможуваат разгледување на голем број влијателни параметри. Во овој труд ќе бидат споменати неколку методи за повеќекритериумско одлучување, кои се имаат применето за избор на рударска откопна метода и потоа е извршено споредување на добиените резултати за да се одреди просечното рангирање на рударските откопни методи.