Gipuzkoako eta Bizkaiko baxurako arrantzaren azterketa

Lan honetan Gipuzkoako eta Bizkaiko baxurako arrantza sektorea aztertuko dugu. Horretarako, sektorearen aldagai garrantzitsuenak hartuko ditugu kontutan eta aldagai horiek aztertuz, sektorearen egoera baloratuko dugu. Sektore honetako adituen iritzia jakiteko aukera ere izango dugu; eta haien iritzi, balorazio eta aurreikuspenak ere garrantzitsuak izango dira ondorioak ateratzerako orduan. Sektorearen egoera kritikoa dela baieztatu dugu, baina zein dira arrazoiak? Arrazoi garrantzitsuenak aldaketa generazionala eta langile tituludunen falta dira, eta sektorea indartsu mantentzeko aldaketak egin beharko dira epe laburrean.