Xixiliren eskultura: kontserbazio egoera eta esku-hartze proposamena

[EU]Xixiliren eskultura José Luis Butrónek (Bilbo, 1933) 1980an egindako hormigoi armatuzko lamia bat da, eta Bermeoko portuan kokatuta dago. Artelanak 40 urte baino gehiago daramatza esku-hartzerik jasan gabe, eta ondorioz, bere kontserbazio egoera larria da. Kanpo narriatzaileei etengabeko esposaketak hormigoi armatuan hainbat kalte eragin ditu, batez ere armaduraren oxidazioarekin zerikusia daukatenak. Ondorioz, artelanaren egonkortasun fisiko eta kimikoa kolokan egoteaz aparte, bere irakurketa zuzena oztopatzen duten narriadura estetikoak nabarmenak dira ere. Bere teknika eta kontserbazio egoera aztertu ondoren, Gradu Amaierako Lan honek Xixiliren eskulturaren esku-hartze proposamena jasotzen du. Era berean, artelanaren ezaugarri eta beharrei modu fidelenean moldatzeko asmoarekin, proposamen hau garaiko dokumentazioa eta autorearen iritzia kontsultatu ondoren gauzatu da; gainera, prebentziozko kontserbazioaren garrantzia azpimarratzen da artelanaren kontserbazioa epe-luzean bermatzeko asmoz.