1. Heimsfaraldur COVID-19 og tannheilbrigðisþjónusta - orsakir og afleiðingar
- Author
-
Hanna Välimaa, Tove Larsen, Björn Klinge, and Nils-Erik Fiehn
- Subjects
General Medicine - Abstract
Nú eru næstum tvö ár liðin frá því að nýja kórónuveiran SARS-CoV-2 hóf að breiðast út um allan heim frá Wuhan í Kína og leiddi til heimsfaraldurs kórónuveirunnar (COVID-19). Einkenni COVID-19 geta verið allt frá vægum einkennum í öndunar- og meltingarfærum til alvarlegrar lungnabólgu og jafnvel dauða. Ný stökkbreytt afbrigði sem hafa hugsanlega í för með sér breytingar á klínískum eiginleikum, svo sem smithættu, alvarleika sjúkdóms og virkni bóluefnis, hafa reglulega komið fram. SARS-CoV-2 smitast fyrst og fremst með seyti frá öndunarvegum. Veiran finnst oft í munnvatni smitaðra sjúklinga, hvort sem þeir eru einkennalausir eða ekki. Það hefur valdið verulegum áhyggjum vegna hættu á smiti milli tannlækna og sjúklinga við tannlæknaþjónustu. Því var aðgangur að tannlæknaþjónustu sem ekki var brýn mjög takmarkaður í upphafi heimsfaraldursins. Af því leiðir að uppsöfnuð þörf er á tannlæknaþjónustu og hætta á að tafir verði á meðferð. SARS-CoV-2 veiran getur borist í þekjufrumur í munnholi og munnvatnskirtla. Enn sem komið er eru engar vísbendingar um að SARS-CoV-2 sýking í munnholi hafi verið staðfest með veirugreiningu. Vísbendingar eru um að slök munn- og tannheilsa, einkum tannhaldsbólga, geti gert COVID-19 sýkingu verri. Það getur gerst með þeim hætti að bakteríur í munnholi berist í öndunarveg og valdi þannig samsýkingu, eða vegna altæks bólguástands af völdum tannhaldsbólgu. Þörf er á frekari rannsóknum til að meta hugsanleg áhrif SARS-CoV-2 veirunnar á munnheilsu og almennt heilbrigði. Lykilorð: SARS-CoV-2, COVID-19, munnvatn, munnslímhúð, munnvatnskirtlar, smitvarnir
- Published
- 2022