301. Modelos de produción e perfís profesionais para a infografía multimedia en medios de comunicación
- Author
-
Vizoso García, Ángel Antonio, López García, Xosé, Pereira Fariña, José, Universidade de Santiago de Compostela. Escola de Doutoramento Internacional (EDIUS), and Universidade de Santiago de Compostela. Programa de Doutoramento en Comunicación e Información Contemporánea
- Subjects
visualización da información ,cibermedios ,Investigación::59 Ciencia política::5910 Opinión pública::591001 Información [Materias] ,perfís profesionais ,produción informativa ,infografía multimedia ,infografía ,Investigación::59 Ciencia política::5910 Opinión pública::591002 Medios de comunicación de masas [Materias] - Abstract
A infografía xornalística é un campo en continua evolución. A aparición dos cibermedios trouxo consigo unha nova forma de representar visualmente as historias, aproveitando as características que lle son propias ao soporte web: a infografía multimedia. O obxectivo desta tese é dar conta das decisións e procedementos que dan lugar á aparición deste tipo de produtos informativos nos medios de comunicación en liña. A partires da análise en profundidade dos casos de El País, El Mundo, La Voz de Galicia e elDiario.es e do testemuño de diversos profesionais que traballan a diario con este xénero informativo é posible dar conta das principais tendencias en termos de estilo, linguaxe gráfica ou función na no relato dos cibermedios. De acordo co observado, a utilización deste xénero nas cabeceiras estudadas atópase aínda nunha fase moi inicial. Nela a dependencia dos modelos imperantes no xornalismo impreso segue moi vixentes, tanto no relativo aos ritmos de produción como na configuración dos equipos de profesionais que a fan posible. Porén, é posible advertir un certo xiro ou aproximación cara as linguaxes propias dos contextos en liña, xerando pouco a pouco produtos que lles son máis propios.
- Published
- 2021