Search

Erabilera-alor akademikoak funtsezkoak izan dira euskararen biziberritze prozesuan baina, alor horien konkistak hizkuntza-baliabideen garapen eta berregituratze handia eragin badu ere, esparru akademikoetan erabiltzen diren hizkuntza-baliabideek eta horien atzean dauden motibazio funtzionalek oso neurri txikian erakarri dute hizkuntzalarien arreta. Artikulu honetan, erregistro akademikoen garapenean gako diren elementu batzuei erreparatu diegu, bereziki hiztegi eta fraseologia akademikoari. Bestalde, diskurtso akademikoen garapenerako funtsezkoak diren nominalizazio-estrategiez eta gertaera-izenak sortzen dituzten atzizkien banaketa morfopragmatikoaz ere aritu gara. HITZ GAKOAK: euskararen erregistro akademikoak, hiztegi akademikoa, fraseologia akademikoa, nominalizazio-estrategiak, atzizki eratorleen banaketa morfopragmatikoa

17 p. -- Bibliogr.: p. 16-17 Garrantzia. Lunbalgiak munduko osasun publikoko arazo handienetako bat da bere ondorio psikologiko eta sozioekonomikoengatik. Horregatik oso garrantzitsua da lunbalgia horiek modu egokian tratatu eta ekiditea. Jarduera Fisikoak (JF) eta indar entrenamenduak (IE) oso eraginkorrak izan daitezke tratamendu eta prebentzio programak aurrera eramaterakoan. Helburua. Errebisio sistematiko honen helburua JF eta IE programa ezberdinek lunbalgia akutu edo kronikoa jasaten duten pertsonengan eraginkortasuna aztertzea da. Metodologia. Errebisio sistematiko hau Preferred Reporting Items for Systematic Review and Meta-Analyses-en (PRISMA) gomendioak jarraituz PubMed-eko datu basean egindako bilaketa baten bidez burutu da. Aztertutako ikerketa guztien kalitatea Physiotherapy Evidence Database (PEDro) eskalaren eta Oxford’s Evidence mailaren bidez baloratu dira. Emaitzak. Zortzi artikulu zientifiko onartu eta aztertu dira. Horietan JF eta IE programa ezberdinen bariabilitate handia aurkitu da, horietako zazpietan emaitza adierazgarriak aurkituz. Aztertutako artikulu guztien kalitatea bikaina da. Ondorioak. Lunbalgien prebentzio eta tratamendurako JF eta IE programak onuragarriak izan daitezke bizkarreko minaren aldagai ezberdinetan, eta batez ere minaren atalase eta kargu psikologikoan. Hala ere, oso garrantzitsua da programa ezberdinak diseinatzerakoan bizkar edota lunbarreko zein giharreria indartu eta egonkortu behar dugun argi izatea.

[EU] Maizterraren subrogazioaren azterketa indarrean dagoen Hiri-errentamenduen Legearen eta aurreko lege testuen arauetan. Subrogazioa maizterraren senideek errentamendu-kontratuaren barruan haren posizio juridikoan jarri ahal izateko duten eskubidea da, maizterraren eskubideak eta betebeharrak bereganatuz, betiere lege horietan araututako supostuen barnean. [EN] Analysis of the subrogation of the current and previous urban leasing law. Subrogation is understood as the right of the tenant's relatives to be able to put themselves in their position within the lease, acquiring its rights and obligations, as long as the situations regulated in said laws concur. [ES] Análisis de la subrogación de la persona arrendataria en la vigente Ley de Arrendamientos Urbanos y anteriores textos reguladores. La subrogación se entiende como el derecho de los familiares del arrendatario para colocarse en su posición jurídica dentro del contrato de arrendamiento, adquiriendo los derechos y obligaciones de éste, siempre y cuando concurran los supuestos de hecho contenidos en dichas leyes.

Obesitatea, osasuna kaltetu dezakeen gantz pilaketa anormal edo gehiegizkoa da. Badakigu, obesitatearen kausa nagusia desoreka energetikoa dela; dieta, jarduera fisikoa, teknologien erabilera eta loa, energia-orekaren erabakigarriak direlarik. Honek, ikuspegi itxaropentsu bat erakusten digu, obesitatearen kausa nagusia elikadura eta aktibitate fisiko ohiturak direlako, eta hauek haurtzarotik heziketa egoki batekin landu daitezkeelako. Beraz, obesitate eta sedentarismoa izateko arriskua duten haurrei eta beraien gurasoei zuzendutako osasun-hezkuntza proiektua proposatzen da. Helburua: obesitatea edo sedentarismoa izateko arriskua duten umeei eta gurasoei, haur-obesitatea eta sedentarismoa prebenitzeko, zuzendutako osasun-hezkuntza proiektu bat diseinatzea. Metodologia: osasun-hezkuntza proiektua aurrera eramateko gaiaren inguruko bilaketa bibliografiko sistematizatua egin da metabilatzaile eta datu-base ezberdinetan. Gainera, web-orri ofizialak eta liburuak erabili dira proiektua osatzeko. Plangintza: proiektu honen helburu pedagogiko nagusia, proiektuan parte hartuko duten lehen hezkuntzako 5. Mailako umeek eta beraien gurasoek, osasun-hezkuntza bukatzean haur-gizentasuna eta sedentarismoa prebenitzeko behar dituzten ezagutzak, jarrerak eta gaitasunak bereganatuta izatea da. Horretarako, bederatzi saio izango dituen proiektua diseinatu da: hiru gurasoekin bakarrik, bost haurrekin bakarrik eta azkena guztiak batera. Proiektuak hiru aste iraungo du, honen emaitzak, prozesua, egitura eta baliabideak saioetan zehar ebaluatuko direlarik. Ekarpen pertsonala: obesitatearen inguruko beste osasun-hezkuntza proiektuekin konparatuz, honek bi gauza berri erakusten dizkigu. Alde batetik, gurasoen parte hartzea ezinbestekoa dela etxeko ohiturak aldatzeko, eta bestetik, ariketa fisikoaren inguruko hezkuntza elikadura bezain garrantzitsua dela. HITZ GAKOAK: obesitatea, sedentarismoa, haurrak, prebentzioa eta osasun-heziketa.

58 p. -- Bibliogr.: p. 58

38 p. -- Bibliogr.: p. 30-31 Hurrengo lerroetan Gasteizko hiztun batek egoera formalean eta informalean erabiltzen duen ahoskera aztertu dugu, horretarako EBAZ arauak helduleku gisa hartuz. Hiztunak herri irrati batean ekoitzitako podcasta eta hiztunaren lagun arteko elkarrizketa grabatu bat baliatu ditugu horretarako. Lanaren lehenego atala teorikoagoa da, eta bigarrena, aldiz, praktikoagoa, datu enpirikoetan oinarritutakoa. Lehenik eta behin, formaltasun maila ezberdinetako eremuak kokatu ditugu. Hizketa mailak egoera jakin batzuetan kokatu ditugu, bakoitzaren ezaugarriak orriotara ekarriz. Horretarako, herri irratigintzaren inguruko azalpena eman dugu erregistro formaleko hizketa estiloa kokatzeko. Nahiz eta herri irratigintzako hizkera irrati profesionaletakoa baino “askeago” eta “informalagoa” den, ondoren alderatu dugun eremutik aldentzen da, entzulego jakin bati mezu argia helaraztea baita helburu nagusietako bat. Ondoren, lagun arteko hizketaldiaren inguruko atala landu dugu, erregistro informalagoaren eremu gisa. Bi hizketa estiloen arteko mugak lausoak izan daitezkeen arren, ezin uka daiteke bata bestea baino eremu formalagoa denik Hizketa estiloen sailkapen eta ezaugarrien atala azaldu dugu gero. Llisterri, Donegan, Stampe edo Oñederrak egindako lanetan azaldutakoak ezagutzea beharrezkoa da formaltasun mailetan aurki ditzakegun bilakabide fonologikoak aztertzeko. Atal praktikoagoa ondoren aurkeztu dugun lanaren corpusarekin hasi dugu. Aztergai izan dugun hiztuna (subjetua) eta bere ezaugarriak, eta hiztun honen hizketaldiak jasotzen dituzten audioak aurkeztu ditugu bigarren atala hasteko. Corpusaren azterketarekin sartu gara datu enpirikoen azterketa betean. Lan honetako subjektuaren audioen transkribapen fonetikoa egin dugu ondoren. Aipatzekoa da Gasteizen kokatzen dela azterketa, eta euskara batudun hiztun euskaldun baten ahoskeran gertatzen diren bilakabideak azaleratzeko helburua duela. Gasteizen, egun euskalkirik ez duen eremu batean, euskara batua da eremu formal zein informalagoetan hiztunek darabiltena. Beraz, oinarri honetatik abiatzen da azterketa. Corpusa osatzeko erabilitako transkribapenetan aurkitu ditugun bilakabideak zerrendatu ditugu eta EBAZ arauekin lotu ditugu atal praktikoarekin amaitzeko. Eta azkenik, azterketan ateratarako ondorio nagusiak aurkeztu ditugu. Bi hizkeren artean bilakabide fonologikoei dagokienean alde handirik aurkitu ez badugu ere, bilakabideen deskribapena egiteak ondorengo azterketa batzuetarako informazio interesgarria eman dezake.

[EUS] Giza aldakortasuna populazio baten eta populazioen arteko genomak bereizten dituzten desberdintasun genetikoen multzoa da. Giza aldakortasuna populazio arbasoen historiaren erakusle da, eta populazioek jasan duten hautespen naturala aztertzea ahalbidetzen du. Lan honen helburua izan da giza populazio desberdinen 22. kromosomaren aldakortasuna aztertzea, eta hautespen naturalaren eragina jasan duten 22. kromosomaren geneak identifikatzea eta aztertzea. Horretarako, 1000 Genomen datu-basean Minor Allele Frequency (MAF) 0,4 baino altuagoa zuten 22. kromosomako Single Nucleotide Polymorphism (SNP) hautatu ziren, eta SNP horien fixation index (FST) kalkulatu ziren. Emaitzek agerian utzi zituzten hautespen naturalaren eraginpean zeuden geneak, eta populazio bakoitzak oztopoei aurre egiteko garatutako moldapenak. Aurrera begira, populazio bakoitzaren historia zehatzago ezagut dezagun, etorkizuneko ikerketek hautespenaren eraginpean dauden geneak aztertu eta hautespenaren kausak azter ditzakete. Esate baterako, APOBEC3 geneek jasan duten hautespena aztertu zen, eta ondorioztatu zen APOBEC geneek zuten aldakortasun genetikoaren eragile zela gizakia Afrikatik irten zenean topatutako erretrobirus berriak. [EN] Human diversity differs within and between population genomes. It provides information about the ancestry and the natural selection as effect among populations. The objective of this work is to analyze the diversity of the 22nd chromosome in different populations, and to identify and analyze regions under natural selection for further research. For doing so, Single Nucleotide Polymorphisms (SNPs) with a Minor Allele Frequency (MAF) higher than 0.4 were chosen from the 1000 Genome Project and their fixation indexes (FST) were calculated. The results uncovered genes under natural selection and the adaptations each population developed to overcome changes. Looking ahead, future studies can analyze genes under natural selection in order to clarify reasons for that selection and more information about the populations themselves. For instance, selection in the APOBEC3 genes was analyzed in this work and retroviruses were identified (found by humans in the out of Africa event) as the main responsible for the high diversity found in those genes.

Nowadays, storing the highest possible amount of information in size re-duced devices is one of important concerns of society. Even though this kind of tech-nology is quite developed, the discovery of the Mn12-ac coordination compound in 1993 was considered a huge step. This is because Single Molecule Magnets (SMMs) represent the smallest information units. Therefore, new devices based on this kind of materials would enhance information storage capacity. In the present work, the most important and representative discoveries since 1993 have been summarized.; Ahalik eta informazio gehien ahalik eta espazio murritzenean gorde-tzea gizartearen gaur egungo beharra eta nahia da, aldi berean. Zentzu honetan teknolo-gia dezente aurreratua badago ere, 1993. urtean Mn12-ac koordinazio konposatua aur-kitu zenean sekulako aurrerapausoa eman zen. Izan ere, Iman Molekular (SMM, Single Molecule Magnet) deituriko konposatu hauek informazio unitatea molekula bakar ba-tera murriztea ahalbidetzen dute. Ondorioz, material hauekin sortutako gailuek askoz ere potentzial handiagoa izango lukete. Lan honetan 1993. urtetik gaur arte emandako aurrerapauso garrantzitsuenak laburbiltzen dira.

Carles Puigdemont eta Conselleren kasuek gizartean piztutako eztabaidak atxilotzeko eta entregatzeko Europako agindua aktualitatearen lehen lerrora ekarri dute. Iritzi politikoetatik kanpo azterketa bat beharrezkoa zelakoan, lan honek erantzun zientifikoa ematen die kalean sortzen diren galderei. Figura honen testuingurua ulertzeko beharrezkoa da askatasun, segurtasun eta justizia espazioaren historia eta honek urteetan zehar izandako bilakaera ulertzea. Izan ere, merkatu bakarrak arlo honetan lankidetza ematea beharrezkoa zuen, krimen zupranazionalari aurre egiteko.

Interneten hazkundea dela-eta, komunikabide tradizional gehienak hedabide honetara jo dute. Irratien kasuan Online irratiak sortu dira. Online irratiek, irrati konbentzionalen aldean, hainbat abantaila dituztela erakutsi dute. Online irratiek zuzeneko irratia eskaintzeaz gain, bestelako eduki desberdinak eskaintzeko aukera ematen dute, multimedia komunikabide bat osatuz. Multimedia eremuaren barruan, ikusiz-entzunezko edukiak eskain daitezke. Batetik audioa, betiko irrati bat balitz bezala zuzenean, edota nahieran ere eskain daiteke, podcast formatuan alegia. Formatu honek irratsaioak nahi denean eta nahi adina aldiz entzuteko aukera ematen du, irratiari beste ikuspegi bat eskainiz, entzuleak izan dezake irratsaioaren erreprodukzioaren kontrola. Gainera, entzulearekiko interakzioa sustatzen da; entzuleek euren iritziak eta iruzkinak utz ditzakete, irratiaren eta entzuleen arteko elkarrekintza bultzatuz eta euren feedback edo erantzuna ikus araziz. Aurrekoaz gain, online irratiak interesgarriak dira irratien bultzatzaileentzat ere, Internetek eskaintzen baitu askoz entzule potentzial gehiago era konbentzionalean baino. Gainera, irratia martxan jartzeko eta mantentzeko beharrezko azpiegiturak kostu gutxiago du, herritarrek egindako irrati berri eta alternatiboen sorrera erraztuz. Proiektu honetan Eup! Irratiaren online berpizkundea azaltzen da. Irrati hau lehenago modu tradizionalean hedatzen ba zen ere, berriro martxan jartzerakoan, online moduan egitea erabaki zen, aurreko abantailak direla-eta. Proiektu honetan beharrezko Internet bidezko zerbitzu eta teknologiak lantzen dira bi helburu nagusirekin: entzuleari irratiak eskaintzen dituen edukiak atzitu ahal izateko eta irratiko partaideei edukia kudeatzen laguntzeko. Alde batetik, entzuleentzat Web eta Streaming zerbitzuak eskainiko dira. Entzuleak streaming zerbitzua eta bestelako multimedia edukiak modu erraz batean atzitu ahal izango da web nabigatzailea erabiliz. Bestetik, irratiko partaideentzat, irratia kudeatzeaz arduratuko direnak alegia, kudeaketa errazteko zenbait tresna eskainiko zaizkie, web zerbitzuaren edukiak kudeatzeko sistema, irratsaioak eta hauen programazioa kudeatzeko sistemak, eta baita grabaketa eta hauen argitalpena errazteko tresnak ere.

473 p., Espainiak nazioarte mailan sinatutako bi itunek aurreikusten dute zigor arloko bigarren auzialdirako oinarrizko eskubidea: Eskubide Zibil eta Politikoen Nazioarteko Itunak eta Giza Eskubideen Europako Hitzarmenaren 7. Protokoloak. Horri esker, jurisprudentziak Espainiako Konstituzioaren 24. artikuluan tokitu du eskubidea, benetako babes judizialaren baitan. Aipatutako nazioarteko itunen betepenaz arduratzen diren organoetatik jasotako ez betetze erabakiei erreparatuz gero, baiezta daiteke egungo Espainiako lege prozesalak araututako errekurtso sistemak ez dituela errespetatzen nazioarte mailan estatuak bereganatutako betebeharrak. Arazo horren oinarrian arrazoi ezberdinak egon daitezke, hala nola, nazioarteko jurisprudentziaren bereganatze okerra, auzitegien arteko elkarrizketa antzua, edota oinarrizko eskubidearen gaineko interpretazio ezberdinak. Eztabaida horri helduz, ikerlanak hiru helburu nagusi ditu. Batetik, errekurtsorako eskubideak zigor arloan izan duen ibilbidea aztertu. Bestetik, nazioarte mailan sinatutako hitzarmenetatik bereganatutako betebeharren ondorioz barne zuzenbidean sortutako eztabaidak argitu. Eta azkenik, momentuko arauzko egoerari berrikuspena eginez, bigarren auzialdirako oinarrizko eskubide osoa bermatuko duen eredua proposatu., Eusko Jaurlaritzaren HUISeko -Hezkuntza, Unibertsitate eta Ikerketa Saileko- ikertzaileen prestakuntzarako programaren doktoretza-aurreko laguntzari esker burututako lana.

Gradu Amaierako lan hau Junior Enpresen ingurukoa d a, eta ondorengo lau helburuak ditu: Junior Enpresen testuingurua ezagutzea, UPV/E HUn eratuta dauden Juniorrak ikertzea, Gipuzkoako Campuseko Junior Enpresa batea n azterketa sakontzea, eta JUNE Junior Enpresa abiarazteko bideragarritasun plan ba t aurkeztea.

Ziberfeminismoak artea eta teknologiaren arteko harremanak zehazten eta eraldatzen ditu, nahiz eta esparru ezberdin bi hauek kontrakoen itxura euki gaur egun euren arteko harremana geroz eta estuagoa da, postmodernitatean eta posthumanitatean euren arteko mugak bat egiten dute. Ziberfeminismoak artearen bitartez kontraesanak azaleratzen ditu, semiotikaren aldakortasuna gailentzen du, harremanak eraldatzen eta eztabaidatzen ditu, identitateen eta mugen plastikotasunarekin jokatzen du eta arauen elastikotasunaren hausturara eramaten du edo eraman beharko luke.; Cyberfeminism defines and changes the relationship between art and technology.Although both areas seem contradictive, nowadays, its relationship is closer. In postmodernity and post humanity, the border between both is united. Cyberfeminism through art exposes its contradictions, the capacity of change through semiotics, the plasticity of identity and its borders and the rupture of policies.

205 p., HELBURUA: Ikerlan honen helburu orokorra, barne kargaren kontrolean oinarrituz futboleko entrenamendu prozesuaren monitorizazioa eta planifikazioa aztertzea da. Horretarako ezarririko helburu espezifikoak, barne kargaren kontrolerako metodo ezberdinen arteko alderaketa burutzea eta planifikazio maila ezberdinetan sakontzea izan dira, lehiaketak hauetan dituen eraginak aztertuz.METODOLOGIA: Ikerketan Athletic Club B taldeko 20 jokalarik parte hartu dute eta 2012-2013 denboraldian burutu da, aurreneko bi mesozikloetako 62 entrenamendu eta 10 lagunartekoetan zehar 933 bihotz maiztasun (BM) eta hautemandako neke erlatiboaren (RPE) bidez 800 erregistro jasoz. Barne karga neurtzeko metodoen alderaketa Edwards-en TRIMP (1993), Stagno eta lankideen TRIMP (2007) eta Foster-ren sRPE (1998) metodoen arteko korrelazio indibidualak eta kolektiboaren bidez egin da; barne kargaren analisia, berriz, futboleko entrenamendu prozesua osatzen duten planifikazio unitateen konparaketak eta dinamikak aztertuz, karga, bolumen eta intentsitate ezaugarrietan sakontzen.EMAITZAK: Barne karga kontrolatzeko metodoen alderaketari dagokionez, Stagno-ren, Edwards-en eta sRPE metodoen arteko korrelazio oso esanguratsuak ikusi dira jokalari ia guztietan, hauek ahulagoak izanik sRPE eta BM-ean oinarrituriko metodoen artean (sRPE-Stagno erlazioan, r = 0,251-0,898, p < 0,05; sRPE-Edwards erlazioan, r = 0,311-0,891, p < 0,05), BM-ean oinarrituriko metodoen artean baino (r = 0,954-0,990, p < 0,05). Talde korrelazioetan, Edwards-en TRIMP metodoak erlazio sendoagoa erakutsi du sRPE metodoarekin (r = 0,710, p < 0,001) Stagno-ren TRIMP metodoak baino (r = 0,655, p < 0,001).Planifikazio unitate ezberdinetako barne kargaren analisiari dagokionez, desbideratze estandar zabalen argitara taldearen entrenamendu saioetan jokalariek estimulu kondizional ezberdinak jasaten dituztela esan daiteke. Lehiaketak edozein saio baino estimulu kondizional bortitzagoa suposatzen du, mikrozikloetako kargaren dinamikan eraginez. Saio eta mikroziklo mota ezberdinen artean ez dira erabateko ezberdintasun bereizgarririk ageri, bai ordea norabide ezberdinetako joerak. Mesoziklo mailan, metaketakoan barne karga altuagoak pilatzen dira eraldaketakoan baino, baina mesoziklo bakoitzeko saioen bataz bestekoak antzekoak dira.ONDORIOAK: Futboleko barne karga monitorizatzeko adierazle egokiena sRPE metodoa da, eta BM erregistroak futbol entrenamenduen intentsitatearen adierazle egokiak izatea zalantzan jarri daiteke, entrenamendu estimuluak indibidualizatzeko lagungarriak diren arren. Entrenamendu karga egokiak izan eta errendimendu maila optimoak izateko, estimulu kondizionalaren kontrol indibiduala ezinbestekoa da, saio, mikroziklo eta mesozikloetako karga pilaketak maneiatuz.

LABURPENA: Lan honetan Burdinola S.Coop.-ko pertsonen kudeaketa aztertuko da, giza baliabideen zuzendaritzaren ikuspuntutik, alegia. Horrela, organizazioetan giza baliabideek zenbaterainoko garrantzia daukaten erakutsi nahi da. Izan ere, alor horretan ezarritako helburu nahiz estrategiek erakundeko helburu orokorrak lortzea errazten dute. Hasteko lanean murgiltzeko balio duen sarrera labur bat, helburuak eta erabilitako metodologiaren zehaztapena egingo da. Ondoren, Burdinola kooperatiba aurkeztuko da eta segidan giza baliabideen ikuspuntutik kanpo zein barne analisia burutuko dira, azkenean AMIA matrize batean ideiak islatuz. Ildo beretik, giza baliabideen helburuak eta estrategiak diseinatuko dira, estrategien ikuskaritza eta ebaluazioa dakartenak loturik. Amaitzeko ondorio nagusienak planteatuko dira, erreferentzi bibliografiko eta eranskinez gain. ABSTRACT: In this work will be analyzed the people management of Burdinola S.Coop from the perspective of human resources management. In this way, it will show the importance of human resources in organizations. In fact, the objectives and the strategies established in this field provide the achievement of overall objectives of the organization. To begin with, there will be a brief introduction, objectives and methodology. Then, Burdinola cooperative will be presented and later, from the perspective of human resources, an external and internal analysis will be carried out. Finally the ideas will be reflected in a SWOT matrix. In the same way, there are going to be designed objectives and strategies of human resources, which require the evaluation of strategies and inspection. Finally, the main conclusions will be raised, as well as the bibliography and attachments.

x; N/A

x; N/A

Zibak jostailu fisikoen modura aztertuko dira lan honetan. Mundu zabalean mota desberdinetako/askotako zibak erabili dira historian zehar. Hala ere, Fisikaren ikuspegitik XIX. mendean egin ziren lehenengo azterketa kuantitatiboak zibaren higiduraren inguruan. Egun, haurren jostailuen artean, oraindik ere, leku garrantzitsua hartzen dute zibek eta literaturari begiratu azkar bat ematea nahikoa da konturatzeko fisikariak liluratura segitzen dutela zibaren alderdi askorekin. Lan honetan ziba arruntaren higiduraren oinarriak aurkeztuko ditugu eta hainbat ziba bitxiren portaeraz arituko gara ondoren.

Edozein esparrutan bezala, esparru tekniko-zientifikoetan ere berezibiziko garrantzia du osagaien hurrenkerak testu egokiak lortzeko. Hain zuzen ere, osagaiak antolatzeko orduan lagungarriak izan daitezkeen zenbait ideia eskaini nahi ditugu lantxo honetan. Edonola, hitz-hurrenkerari buruz egin ohi diren lanetatik urrunduko gara neurri batean behintzat, perpausen osagaien ordenaz ez ezik, izen-sintagmen barruko ordenaz ere arituko baikara eta gainera, bi esparru horietan hitz-hurrenkeraren eraginkortasunaren inguruan egingo ditugun hausnarketak bi esparruak alderatuz egingo baititugu.Gaia oso korapilatsua da eta lan xume honen helburua ez da inola ere agortzea, euskara teknikoaren erabiltzaileei testuak idazteko orduan lagungarriak gerta dakizkiekeen zenbait irizpide eskaintzea baizik. Ideiak modu errazean azaltzen saiatu gara baina gai honetan, bizitzako gehienetan bezala, zaila da gezurrik esan gabe arazoak eta irtenbideak erraz azaltzea. Hortaz, pazientzia apur bat eskatu behar diogu irakurleari, lan honetatik ondorio baliagarririk aterako badu.

In the last years STEM (Scanning Transmission Electron Microscopy) and specially EELS (Electron Energy Loss Spectgrocopy) has attracted increase interest in different fields of Science as Metallurgy, Medicine and Biology. The analysis of the energy loss experienced by electrons that travel close to interfaces of different shapes allows the study of processes as catalysis or hole drilling with the STEM microscope in some materials. In this work, energy loss experiments will be described, first and then the basis of the dielectric theory used to interprete those experiments will be outlined.

Dialecto : texto en euskera central -- guipuzcoano S. XX -- Periodo : último euskera moderno Euskalkia : erdialdekoa -- gipuzkera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008 Contiene : clave de los ejercicios de la gramática vasca del P. Zabala-Arana

Dialecto : texto en euskera occidental -- vizcaíno S. XX -- Periodo : último euskera moderno Euskalkia : mendebalekoa -- bizkaiera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008 Rústica

Digitalización. Vitoria-Gasteiz : Fundación Sancho el Sabio, 2008 Rústica

Dialecto : texto en euskera central -- guipuzcoano S. XIX -- Periodo : primer euskera moderno Euskalkia : erdialdekoa -- gipuzkera XIX. md. -- Aroa : lehen euskara modernoa Digitalización. Vitoria-Gasteiz : Fundación Sancho el Sabio, 2008 Rústica

Dialecto : texto en euskera central -- guipuzcoano S. XX -- Periodo : último euskera moderno Euskalkia : erdialdekoa -- gipuzkera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008 Rústica

Dialecto : texto en euskera central -- guipuzcoano S. XX -- Periodo : último euskera moderno Euskalkia : erdialdekoa -- gipuzkera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008 Rústica Descripción basada en la cub

Dialecto : texto en euskera central -- guipuzcoano S. XX -- Periodo : último euskera moderno Euskalkia : erdialdekoa -- gipuzkera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008 Rústica

Dialecto : texto en euskera central -- guipuzcoano S. XX -- Periodo : último euskera moderno Euskalkia : erdialdekoa -- gipuzkera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008 Separata de : Revista Internacional de Estudios Vascos. Año 22, escrito 19, no. 4

Dialecto : texto en euskera central -- guipuzcoano S. XX -- Periodo : último euskera moderno Euskalkia : erdialdekoa -- gipuzkera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008

Dialecto : texto en euskera central -- guipuzcoano S. XX -- Periodo : último euskera moderno Euskalkia : erdialdekoa -- gipuzkera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008 Cartoné

Dialecto : texto en euskera central -- guipuzcoano S. XX -- Periodo : último euskera moderno Euskalkia : erdialdekoa -- gipuzkera XX. md. -- Aroa : azken euskara modernoa Digitalización. Vitoria-Gasteiz : Fundación Sancho el Sabio, 2008 Rústica

Tít. de la cub.: La conjugación bizkaina El verbo euzkérico en los distintos dialectos Digitalización. Vitoria-Gasteiz : Fundación Sancho el Sabio, 2008 Cartoné

Azken urteetan metamaterialek izugarrizko arreta eragin dute. Material artifizial horiek hainbat aplikazio ezberdin izateko diseinatzen dira eta horretarako, ikerkuntza haien propietate elektromagnetikoak ulertzean zentratu da. Lan honen helburua, hortaz, metamaterialen jokabide elektromagnetikoa ulertzea da. Horretarako, FDTD (Finite Difference Time Domain) metodoa erabiliko dugu Maxwell-en ekuazioak ebazteko. Oinarria ulertzeko, lehenik, uhin elektromagnetikoen hedapena aztertuko dugu ingurune sinpleagoetan eta ingurune desberdinen arteko muga-azalen jokabidea simulatuko dugu. Hori egin eta gero, amaitzeko, uhin elektromagnetikoen hedapena aztertuko dugu errefrakzio-indize negatiboko materialetan (metamaterialetan).

Gradu Amaierako Proiektua., Nanoantena plasmonikoak antena optikoak dira, hau da, irrati-uhin edo mikrouhin-antenen moduan, espazioan hedatzen den erradiazio elektromagnetikoa energia lokalizatu bilakatzen dute eta alderantziz. Hala ere, antena konbentzionalak ez bezala, antena optikoak espektro ikusgaian eta infragorrian propietate erresonanteak dituzten egitura isolatuak dira, eta ez dira zirkuitu elektronikoen bidez elikatzen. Erresonantzia plasmoiak baliatuz, antena hauek eremu elektromagnetikoak konfinatzeko eta indartzeko ahalmen handia dute, aplikazio desberdinetarako oso interesgarriak direlarik, hala nola nanoeskalako mikroskopia eta espektroskopia optikoa, eguzki-energiaren transformazioa, zirkuitu optikoak, sentsoreak... Lan honetan antenarik sinpleena, nanopartikula esferiko metalikoa, aukeratu da antena optikoen oinarrizko propietateak aztertzeko. Kasu honetan adierazpen analitikoak (Mie teoria) erabil daitezke argiaren sakabanaketa deskribatzeko, baina antena asimetrikoagoen kasuan metodo numerikoak erabili behar dira ezinbestean. Bukaeran MNPBEM metodoa erabili da dimero-antena baten jokabidea simulatzeko.

Agerikoa da, XX. mendeko erdialdean emandako iraultza teknologikoaren ondoren, gure egunerokotasunean teknologiak duen pisua. Aurrerapen teknologiko geldiezin horrek gizarte osoari eragiten badio ere, gutxi batzuk baino ez dira konturatzen teknologiak zuzenbidean duen eraginaz. Horregatik, teknologiak zigor prozeduraren froga-fasean zer eragin dituen aztertuko dugu lan honetan, frogaldiaren fase ezberdinetan froga digitalak, whatsappak zehazki, sortu ditzakeen arazoak plazaratuz. Gaur egun, gizartearen beste eremu askotan bezala, zuzenbidean ere, teknologiaren erabilera esanguratsua da zenbait ekintza aurrera eramateko. Kasu, prozesu judizialetan aldez aurretik egiten den ikerketa lanetan, edo frogak biltzearen fasean egintzak errazteko. Hala ere, teknologiaren erabilera okerra ere egin daiteke, hala nola, delituak burutzeko eta delituen egitea errazteko tresna moduan. Gailu teknologikoez baliatzea alegatutako egitateak egiazkoak direla egiaztatzeko, hots, tresna digitalak froga bezala erabiltzea, gero eta ohikoagoa da edozein prozedura judizialetan. Halaber, tentu handiz tratatu beharreko frogetaz ari gara hitz egiten, zenbaitetan berme prozesalak eta prozesuan parte hartzen duten alde ezberdinen oinarrizko eskubideak eta askatasunak murriz ditzaketelako1 . Froga digital guztien artean Whatsapp aplikazioan jarri dugu arreta, txataplikazioaren elkarrizketen edukiak (mezuak, argazkiak, bideoak, audioak, etab.) auzitegietan nola aurkeztu eta bere segurtasun-protokoloa zein den aztertu dugu hain zuzen ere

22 p. : il.-- Bibliogr.: p. 15-19 Lan honetan Araba mailan eperra (Alectoris rufa) lagintzeko metodo egokiena zein den jakiteko, bibliografian eta txosten teknikoetan gehien erabilitako bi metodoen konparagarritasuna aztertu da. Horretarako Arabako ehiza barrutiak oinarri izanda hamar laginketa eremu sortu dira. Laginketa eremu bakoitzean metodo bakoitzeko trantsektu bat diseinatu da, zeinetatik azterketa egiteko nahikoa datu kopurua lortzeko asmotan bi erreplika egin diren. Lortutako datuak homogeneizatzeko eta konparatu ahal izateko IKA-k kalkulatu dira. Datuen arteko korrelazioak bilatzeko R programa estatistikoa erabili da. Horrek, erabilitako metodoen eta ikusitako eperren arteko korrelaziorik ez dagoela adierazi du. Baita, metodo berdina erabilita baina erreplika ezberdinetan lortutako datuen artekoa ere. Kilometrokako okupazioa eta metodo bakoitzak duen detektatzeko gaitasuna kalkulatzeko, berriz, PRESENCE programa erabili da, Arabar Errioxan lagindutako beste eremuak baino okupazio txikiagoa duela eta metodoak detektabilitatean eraginik ez duela adierazi duena. Emaitzak aztertuta, erabilitako metodoak, erabili diren bezala, Araba mailan eperra lagintzeko baliagarriak ez direla ondorioztatu da. Gainera metodoek espeziearen detektabilitatean eraginik ez dutela eta Arabar Errioxako okupazioa beste eremuena baino txikiagoa dela ikusi da.

[EU] Oso ohikoa da Haur Hezkuntzako geletan album ilustratu desberdinak topatzea. Normalean edukiaren arabera hautatzen dira, irudia funtsezko osagaia dela ahaztuz. Bestalde, Durangoko bibliotekan dagoen ipuin klasikoen bilduma izugarria da. Hori dela eta, lan honen helburua Durangoko eskolen eta Bibliotekaren arteko harremana aztertzea da, hain zuzen ere, ipuin klasikoen eskolako erabilera aztertzea irudiaren ikuspuntutik begiratuta, ondoren biblioteka-eskola proposamen bat diseinatzeko. Horretarako, eskoletan dauden ipuin klasikoak dokumentatuko dira, eskoletarako baliabide esanguratsuak osatzeko. Amaitzeko, eskolei proposatutako baliabideak geletan erabiliko dira. [ES] Es muy frecuente encontrar diferentes álbumes ilustrados en las aulas de Educación Infantil. Normalmente se seleccionan en función del contenido, olvidando que la imagen es un elemento fundamental. Por otro lado, la colección de cuentos clásicos que hay en la biblioteca de Durango es enorme. Por ello, el objetivo de este trabajo es analizar la relación entre las escuelas de Durango y la Biblioteca, precisamente, analizar el uso escolar de los cuentos clásicos desde el punto de vista de la imagen, para posteriormente diseñar una propuesta biblioteca-escuela. Para ello, se documentarán los cuentos clásicos que existen en las escuelas para completar recursos significativos para ellas. Para finalizar, los recursos propuestos a las clases se utilizarán en las aulas. [EN] It is very common to find different illustrated albums in Early Childhood Education classrooms. They are usually selected on the basis of content, forgetting that the image is a fundamental element. On the other hand, the collection of classic stories in the Durango library is enormous. Therefore, the objective of this work is to analyze the relationship between the schools of Durango and the Library, precisely, to analyze the school use of classic stories from the point of view of the image, in order to subsequently design a library-school proposal. To this end, the classic stories that exist in the schools will be documented in order to complete significant resources for them. Finally, the resources proposed to the classes will be used in the classrooms.

[EU] Lan honetan instalazio artistikoak Mugimendu Autonomoan proposamen pedagogiko berritzaile gisa aztertzen dira. Horretarako, instalazio artistiko proposamen bat egin da 4 eta 5 urteko haurrentzat, ispilua elementu nagusitzat hartuta. Espazio ludiko honen helburua harreman sozialak, esperimentazioa, arte garaikidera hurbiltzea, bere ideien sorkuntza eta adierazpena eta joko aurresinboliko eta sinbolikoa ahalbidetzea da. Haurren jardunen emaitzak aztertzeko, ulertzeko, interpretatzeko eta lortzeko irudi eta landa-oharren bidez dokumentatu da proposamena. Emaitza horiek aztertuta, ondorio nagusiak atera dira instalazio artistikoak jarduteko askatasuna, parte-hartzea, lankidetza, pentsamendu dibergentea eta sentsibilitatea ahalbidetzen dituela, eta, horrela, haurren garapen integrala errazten dela.