Search

In hierdie artikel is die fokus aan die een kant op die asimmetrie in die distribusie van subjekpronomina en subjek-nomina en aan die ander kant op die verskille in die asimmetrie tussen Kumran-Hebreeus, Bybelse Hebrees, Bybelse Aramees en Mishna-Hebreeus. In ooreenstemming met 'n beginsel- en parameterbenadering word voorgestel dat die asimmetrie en verskille korreleer. In feite word aangetoon dat die asimmetrie afgelei kan word van 'n nulsubjekparameter en die verskille in die asimmetrie van die skuifopsies van die verbum. Verba in hierdie tale differensieer in verbumvorms met nulsubjekte en verbumvorme met nie-nulsubjekte. Subjekpronomina met nulsubjekverbumvorme kan slegs as topieks gebruik word, terwyl subjekpronomina met nie-nulsubjekverbumvorme nie noodwendig topieks is nie. Om die afwyking in Bybelse Hebreeus te verantwoord, word aangeneem dat behalwe die verbumskuif na I, Bybelse Hebreeus ook verbumskuif na C besit wat nie vir Kumran-Hebreeus, Bybelse Aramees en Mishna-Hebreeus beskikbaar is nie. In 'n postverbale posisie egter okkupeer subjekpronomina steeds [SPEC, IP] en moet gevolglik as postverbale topieks gekonstrueer word. [ABSTRACT FROM PUBLISHER]

Die inligtingsontploffing en die gevolglike massaproduksie van wetenskaplike inligting speel tans 'n groot rol in wetenskapsbeoefening. Gevolglik word die effektiewe herwinning van akkurate inligting al hoe belangriker. Die inligtingkundige en taalkundige verkeer in n same-werkingsooreenkoms, genoodsaak deur die gebruik van inligtingstegnologie in inligtingsoektogte. Uit die vergelyking van sekere ken-merke van strukturalistiese en generatiewe taalkundige paradigmas, blyk dit dat Ig. beter aangepas is vir latere herwinning. Die herwinning van resente studies in Hebreeuse grammatika dien as voorbeelde van taalkundige paradigmas. Binne inligtingkundige perspektief wil dit lyk asof die generatiewe aard van Rosen, Berman en Glinert se analises grootliks die herwinning daarvan vergemaklik. Daarenteen skep die strukturalistiese benadering van Richter se grammatika ontsluitingsprobleme wat lei tot oneffektiewe herwinning. Eenvormigheid en die strewe na 'n gemeenskaplike konseptuele raamwerk word voorgehou as inligtingkundige voorvereistes vir die bevredigende herwinning van grammatikas. [ABSTRACT FROM PUBLISHER]

In die beginsel-en-parameterbenadering van Chomskyaanse generatiewe grammatika verteenwoordig die inisiële staat van taal 'n sisteem van aangebore formele beginsels met geassosieerde oop parameters waarvan die waardes deur taal-ondervinding bepaal word. Die doel van hierdie artikel is eerstens om vir Kumran-Hebreeus die parameter te identifiseer wat geassosieer word met die manifestasie van kloussubjekte, en tweedens om die waarde van hierdie parameter te bepaal. Daar word aangevoer dat Kumran-Hebreeus 'n nul-subjektaal is. Ooreenkomstig die spesifieke versie van die nulsubjekparameter wat in hierdie artikel voorgestel is, word veronderstel dat in Kumran-Hebreeus AGR met PRO geïdentifiseer moet word. Dit lisensieer pro in die leësubjekposisie. Vier oorwegings ondersteun hierdie voorstel. Die eerste raak die identifikasie en analise van modale as hoofwerkwoorde. Die tweede raak die afwesigheid van inversie (dit is l-skuif) in direkte ja/nee-vrae. Die derde oorweging raak die afwesigheid van die kopula in nominate sinne; en die vierde die afwesigheid van ekspletiewe in Kumran-Hebreeus. [ABSTRACT FROM PUBLISHER]