Search

Sjef Emma probeer haar vurige humeur beteuel, maar ná die bruilof-fiasko met die hoenderpastei in die Upingtonse somerhitte, verloor sy kop en gooi haar baas rakelings met'n mes mis. Gelukkig kry Emma die kans om oor te begin op Hermanus by die Chantilly-restaurant. Sy pak haar serpversameling en haar boheemse rompe en vat die pad. Hoewel Chantilly baie werk kort, is Emma vasberade om nie weer woedend te word nie. Die personeel word haar nuwe familie, en sy raak betrokke in allerhande gekonkel op dié kusdorpie met die kriminele element. As dit nie gangsters is nie, dan is dit oud-recces en uitbuiter-oupas met krawatte... Net toe dinge op dreef kom, keer Chantilly se eienaar na die restaurant terug. Greg van Heerden mag dalk aantreklik wees met'n sensuele stem, maar sy beneuktheid laat Emma se bloed kook. Wat skuil agter die man se nors geaardheid? En hoe gaan Emma dit met hom uithou?

Nanette van Rooyen se roman Chinchilla vertel die boeiende verhaal van Lea, wat in reaksie op huishoudelike geweld waartydens sy ʼn kind verloor, vanuit Swakopmund terugkeer na haar geboorteplaas in die Roggeveld. Te midde van Bastos die chinchilla-slagter, Zacharias die obsessiewe valkenier, Krisjan die Simpatieke en Mirjam die dorpsbanshee, begin sy haar helingsproses... “Chinchilla is ʼn andersoortige teks met ʼn eie tematiek, ʼn eie ritme en ʼn eie taalidioom. Kortweg, dit is besonders.” – Henning Snyman

Uit die Nr. 1 New York Times topverkoperskrywer Karen Kingsbury se pen kom Dans van die engele, die tweede roman in die Engele op'n missie-reeks oor geestelike ingryping en die beproewings en oorwinnings in mense se lewens – die dramatiese storie van'n vrou wat desperaat soek na betekenis in haar lewe. Mary Catherine het grootgeword in'n welgestelde huis. Hoewel sy baie lief is vir haar ryk ouers, het sy nog nooit van hulle gemaklike lewenstyl gehou nie. In plaas daarvan soek Mary Catherine na betekenis in die lewe deur liefdadigheidswerk te doen, deur'n stukkie van haarself weg te gee, maar nooit haar hart nie. Mary Catherine woon in Los Angeles saam met haar kamermaat, Sami, en doen vrywillige werk by die plaaslike jeugsentrum saam met afrigter Tyler Ames en LA Dodger-speler Marcus Dillinger. Ten spyte van haar voorneme om enkel te bly, vind sy haarself dat sy al hoe nader aan Marcus beweeg, en hulle ontluikende romanse gee aan haar die kans op'n opwindende lewe waarvan sy maar net kan droom. Dit natuurlik voordat sy verpletterende nuus van haar dokter ontvang – nuus wat haar toekoms verander en dwing om'n roekelose besluit te neem. Vol inspirasie en aangrypend, is Dans van die engele die storie van'n vrou se diep sielsverlange en die opofferings wat sy bereid is om te maak in haar soeke na genesing.

Nege jaar tevore het die vrou haar intrek in die Ruig geneem. Een maal per maand stap sy dorp toe om haar heuning te verkoop; dan trek die vroue wat haar gewaar hul asem skerp in. Sy vergiftig seuntjies, sê die mense. Die merk aan haar keel, dis waar die hiëna haar gebyt het; daarom is sy stom, sê hulle.'n Gevaarlike vrou is sy;'n heks;'n hoer. Mal... Nege jaar ná haar aankoms stap sy nog'n keer dorp toe, dié keer gedryf deur haar werklike bemoeienis,'n alleenstryd teen wildstropers. Die hele dorp hou asem op. Dan breek daar'n veldbrand teen die berghange uit... en dis asof almal se vrese en begeertes, ou wrokke en verlangens self in vlamme uitbars.